Ei Lalpa Isu chu a ropui èm leiin vanmi le vantirko haiin an inpak sêng lo chu a ni tak ie. Sienkhom, nang le kei ei chunga ṭongsie um chu amaah a’n bel a, a mi’n tlan theina dingin van Lal nau chu hnuoiah mihriemin a hung pieng a ngai a. Niphung hrimah Pathien ni sien khom, Pathien tluka um chu tum tlat dingah a ngai naw a, hnuoi le van siemtu ni sien khom lu innghatna ding a’n vai a, harsatna tuor ngai lo chu a phîng a ṭâm a, a dang a châr a, lungngaiin a mitthli a far a nih. Chuong hai bâkah, nang le kei ei suol phurin, misuol thina hmun, Kalvari krawsah thina râpthlak tak a tuor a. Chu zâr chun chanchin ṭha – “Isu’n a sandam che” ti a hung tlung tah a. Hi hi a hluin a poimaw èm a, hnuoi kil tawp chena puongdar dinga thupek ei nih.

Krismas huna hin ei Lalpa mi hmangaizie ngaituo suok ei tiu. A thupek zawm dingin lungril siem thar bok ei tiu. In rêngin Krismas chibai vouchuom ka bûk cheu.

Upa (Dr.) Lalsiemlien Pulamte
Chairman, HCFD