Mosie tarpu Jethro-in Israel mipuihai ṭhuoitu ding zie (qualities) a hrilhai chu mi hmang tlak, Pathien ṭi mi, mi ringum, hlawkna indik lo theida mihai an ni ding a nih a tih (Exo 18:21). Hieng hai hi mithiemhaiin tuchena pawl inenkolnaah an la hmang zing a nih. Thlarau Thienghlim le varnaa sip hai hi mi hmang tlâk an tling naw ding? Pathien ṭi mihai chun a thu an zawmin lam indik an inhmang ngai nawh. A’n hoi le a rimsik huna le pasiet le hausak huna khom Pathien kona le sin phursuoknaah an ringum zing hlak. Ṭhuoitu an nina ngirhmun chu hlawkna indik lo hmuna dingin an hmang bok nawh.

Ei kohranin boruok ṭha lo tak ei tuok lai le Pathienin a rong bawl dinga a mi konaa hin ṭhuoituhaiin khi ziehai an suklang zing theina dingin kohran mipuiin lo ṭongṭaipui zing ei tiu.

Upa (Dr.) Lalsiemlien Pulamte
Chairman, HCFD