STATEMENT OF FAITH

HMAR CHRISTIAN FELLOWSHIP DELHI THURING

1. Baibul pumpui, Genesis-a inthawka Thupuong chen, lekhabu 66 (Thuthlung Hlui lekhabu 39 le Thuthlung Thar lekhabu 27) hai hi Pathien Thu hring, inkhêl theilo, mihriem hmanga Pathien inthuok khuma ziek a nih ti kan pawm (II Tim 3:16).

2. Pathien pakhat, Chatuon Mi, iengkim siemtu le iengkim chunga thuneitu kan ring a; Pathiena mi pathum, Pa, Naupa le Thlarau Thienghlim kan pawm.

3. Isu Krista chu Pathiena mi pakhat, Pathien Naupa, Thlarau Thienghlim thilthawtheinaa nunghak thienglam Mari sȗnga mihriema hung insieng a nih ti kan pawm.

4. Isu Krista chu Mihriem Naupa, suol nei lo, suol intlanna dinga thi a nih ti kan pawm a. A thisena, suol sawp faina le a ringtu taphawt thiemchang an nih ti kan pawm. Ropui takin a la hung nâwk ding a nih ti kan ring.

5. Mihriem hi Pathien angpuia siem, sienkhawm suola a tlûkna leia Pathien le an inzawmna lo intan tah, taksa thîna le thlarau thîna hmasuon dinga suol sâ hrima hung pieng a nih ti kan pawm.

6. Lunginsietna zâra ringnaa sandam ei nih ti kan pawm. (Efe 2:8).

7. Taksa thonâwkna kan ring a, Isu Krista ringtuhai chu thiem changa tho nâwk ding le a ringnawtuhai chu thiem naw changa tho nâwk ding an nih ti kan ring.

8. Baptisma le Lalpa Zânbu hai hi kohran ser le sâng pawimaw an nih ti kan pawm.

9. Krista hringna, thina le thonâwkna le a hming ring lei chaua chatuon hringna chu chang thei a nih ti kan pawm. Chu chatuon hringna thu, Chanchin Ṭha chu ringtu taphawt kuomah hrepuitu mawphurna pêk a nih ti kan pawm.

10. Umchiltu le thlamuongtu Thlarau Thienghlim, Isu Krista thu inhriettirtu ding le thutaka mihai ṭhuoi lûttu dinga Pa-in a hung tir kan ring.

Loading