Ngaihlutna Thupuong

NGAIHLUTNA THUPUONG
Dated Delhi, 2 May 2021

Tulai covid-19 hripui inlêng leia ei kohran le khawtlâng lai natna le thina chen tuok ei um a. Natna invawi inrik deuhai hospitalah tlânpui le thina tuokhai, an ruong thawn le vûi dinga hrikai khawm inlau lova ṭhahnemngai taka hma mi lapêktuhai, Delhi Hmar Welfare Association le a bîk takin, Covid-19 Relief Cell hai inpâk an um tak zet.

Anni hin Mathai 25:35-36-a Isu Krista’n ‘Ka phîng a ṭâmin nangnin fâk ding in mi pêk a; ka dang a chârin dawn ding in mi pèk a; mikhuol ka niin in mi’n tlungtir a; saruoka ka umin puon in mi’n siltir a; ka damnawin in mi enkawl a, lung ina ka’n tângin in mi hung kan hlak’ a tihai nunchang an phursuok hne hlea hriet a nih.
An inpêkzona hi ei ngaihluin chawimawi a phù tak zet a nih. Ei ṭawngṭainain san zing ei tiu.