Delhi Mission Field

1. Shiv Vihar Kohran:

Phun kum: 1992
Hindi ṭawng hmanga ahnuoia ang hin (hun pangngaiah) Chawibiek Inkhawm nei a nih:
Pathienni: 10:00 a.m. -12:00 noon
Nilaini zan: 7:00 p.m. – 9:00 p.m.
Naupang Sunday School: 10:00 a.m. – 12:00 noon
Zîng ṭawngṭai (Ni tin): 6:30 a.m. – 8:00 a.m.

NB: Tulai hripui inlêng leiin Zoom plateform hmanga inkhawm nei hlak a nih Kohran Member: Kohran member hai hi a tlângpuiin Delhi puotienga inthawka hung, kut sinthaw an ni tawl leiin Delhi-ah in le lo det nei an ni nawh. An sinthawna hmun ang peia insawn an ni hlak leiin kohran member a zat chie hril thei a’n tak hlak a. Kum 2020 le 2021 lem hi chu covid-19 hripui leia an sin thawnahai a remchang ta naw leiin mani khuo tiengah kîr tam tak an um a. Sienkhawm, tukum inkhawm nuhnung taka kohran member zât hriet thei chu mi 207 (sungkuo 55) an la tling a nih. Chawibiek Inkhawm: Hripui leia kum 2020-a inthawk biek-in khar ni sien khawm, zoom hmangin inkhawm sunzawm thei a ni a. Chuleiin, kohran member Delhi-a mi chauh ni lovin U.P. mission field le Gujarat-a mihai chen khawm inkhawmah an hung ṭhang thei pha a, kawng khatah a remchângin lawm a um. Sienkhawm, internet le phone device nei thei dân a’n ang naw leiin member po po ruok chu an hung ṭhang thei nawh. Bunghei ṭawngṭai: Pathienin rem a ti chun August thlaa inthawkin Mission rawngbawlna le inzawm hin Mission field-a hai, kâr tin Zirtawpni zât hi bungheia ṭawngṭai hun hmang dinga riruong a nih. Naupang Sunday school: Pathien ni zâtin zîng dâr 10:00-ah nei zie a ni a, inkhawm thei nuhnung taka record dungzui chun naupang hming ziek po 62 an nih. Naupanghai hi pawl pathumah (Nursery, Primary le Intermediate) ṭhein Zirtirtu mi 9 haiin Pathien thu an inchûktir hlak. Kum bula inthawk khan pawl tina an inchûk ding silabâs buotsai a ni a, tu hin zo phuor a’n tah. Nursery pawl chun an hmang tan der tah. Kum 2020-a inthawk khan zoom hmangin naupanghai Bible classhai neipui ziein, a remchang dungzuiin Bible quiz dam thawpui hlak an nih. Sienkhawm, internet le device nei naw leiin naupang po po an ṭhang thei nawh. Ramthim rawngbawl: Shiv Vihar kohran chu rawngbawlnaa luongsuok ve tain Nepal-ah missionary pakhat (Mr. Dinesh Kumar) an chawm.

2. Kakrola Mor Kohran:

Phun kum: 2008
Chawibiek Inkhawm nei dân:
Pathienni zât: 3:00 p.m. – 5:00 p.m.
Ningani zât: 3:30 p.m. – 5:00 p.m.

Record nuhnung tak dungzuiin kohran member 40 an nih. Anni khawm covid-19 hripui leiin kum 2020 le 2021 hin member iemani zât zet an sinthawnaah harsat an tuok a, mani khuo tiengah kir an um tawl. Telephone le a thei ang angin memberhai hi inbiekpui an nih. Hripui leia fak le dawn harsa zuolhai chu Shiv Vihar Kohran fethlengin atta, dal le têl dâm semin rawngbawlna nei a nih. Pathienni zantieng le Ningani zantienga chawibiek inkhawm nei hlak kha hripui leiin nei thei an ta naw a, sienkhawm a thei ang anga telephone hmanga rawngbawlna sunzawm a nih. Chun, a ṭhang thei theiin HCFD mission field zoom inkhawmhai an ṭhang ve hlak. 2020-2021 sûnga Delhi Mission Field-ah Chanchin Tha hrilna bikhai (Mission Focus Areas):

1. Vikas Kunj	2. Ranhola	3. Nilothi (Nangloi)
4. Aiya Nagar (Nangloi)	5. Amar Colony	6. Chanchal Park
7. Maya Garden	8. Vikas Nagar	9. J.J Colony
10. Shiv Vihar	11. Kakrolo Mor	12. Barthal Goan (Dwarka)

Rawngbawl dân tlângpui: Kum 2020-a inthawk khan covid-19 hripui leiin nuom angin fe suokin Chanchin Ṭha hril thei ni naw sien khawm, a thei ang anga telephone le ṭawngṭainain rawngbawlna sunzawm a nih. Kohran memberhai bakâh Chanchin Ṭha hre nuoma mi kotuhai chu an inah hai panin ṭawngṭaina hun hmang le an kuomah Chanchin Ṭha hril an ni hlak. Pathien zârin hri khawm a hung inkieng peia hriet a ni a, May 2021 inthawk khan mission field-a sin thawtuhai po chu Shiv Vihar Mission Centre-ah Thawleni zâtin ṭawngṭai inkhawm sunzawm a ni nawk ta a, chun a thei ang angin kohran member le ringnawtu hai leh inhrepawin an inah hai Pathien thua inpan (visits) sunzawm nawk a ni tah. Ringthar lâk dân:

Tarik	Ringthar lâk zât	Tarik	Ringthar lâk zât
03-Apr-2016	27	22-Sep-2019	05
05-Apr-2017	19	29-Sep-2019	17
19-Nov20217	21	27-Sep-2020	25
18-Oct-2018	09	25-Oct-2020	07
07-Apr-2019	07	02-Apr-2021	07
09-Jun-2019	04	11-Apr-2021	09
14-Jul-2019	05

3. Bethany Convent School:

Chanchin Ṭha hril darna dinga hmangruo pawimaw èm êm pakhat chu thiem inchûkna (school) hi a nih. Ei rama Chanchin Ṭha hung lut hlim khawm khan misawnari hmasahai khan hi thuruk hi an lo hriet a, an lo hmang ṭangkai hlak reng a nih. Zirtirtuhai kha Evangelist-teacher tia koin sikula naupanghai lekha inchûktir chauh ni loin nu-le-pahai khawm Pathien thu an hril hlak a nih. Chu bâkah, khawtlânga khawm ṭangkai takin an inhmang hlak. Chuongchun, thlarau le taksaa hmasawnna (Gospel tluontling) an phurlut sa a, chu chun mi lungril hnein hmun hrang hrangah sikul an hung hawng thei ta pei a nih. Hmar Christian Fellowship Delhi khawmin sikul hi ram thima Chanchin Ṭha hrilna dinga a pawimawzie hrein Shiv Vihara Chanchin Ṭha hrila ei lut hlim khan sikula hmang ding building la um el naw sien khawm Pathienni zâtin hmun ruokna hmunah (open space) puon-in keiin naupanghai ko khawmin lekha inchûktir le an kuomah Pathien thu hril ṭan a lo nih. “Naupang chu a lampui ding inchûktir la, A upat phà khawm petsan ngai naw nih” (Thuvarhai 22:6) ti besanin February 7, 1994-a inthawk khan regular taka naupanghai lekha inchûktir ṭan a lo nih. Sikul naupanghai lekha inchûktir an ni ruol ruol hin tûk tin Bible tiemin devotion ursun taka nei pui an ni hlak. Chun, a’n khât tawkin Bible camp le evangelistic week hai dâm hmangpui a ni bawk. Chuong po po khelah sikul naupanghai fe thlengin an nu-le-pa hai kuomah Chanchin Ṭha hril a ni hlak bawk. Chu zâr chun mi iemani tawk zet chun Isu Krista chu Lal le Sandamtuah pawmin baptisma chang an um tah. Tulai khawvel fe dân angin sikul hin tangka mi sukpung pek naw sien khawm sikul naupanghaiin lekha inchûk thei phanaah an sawr khêlah anni le an nu-le-pa haiin Pathien thu tak hrietna le chatuon hringna lampui hmu phanaah an nei hi lawm a um bêk bêk a nih. School Update: Covid-19 hripui leiin kum 2020-21 le 2021-22 hi sikul khâr a nih. Chuleiin, sikul naupang le hotu ngirhmun nuhnung tak ei hril thei nawh. Sienkhawm kum 2019-a ei ngirhmun hei suklang ei tih. Kha kum khan sikul naupang 120-in admission an lak a, hotu 7 pasari le helper 1 an um. Tulaia private le sawrkar sikulhaiin an thaw angin naupanghai zoom class thawpui thei an ni nawh. Asan chu, ei sikul naupanghai hi insûng harsa tak tak le an nu-le-pahai lekha thiem lo an ni lei a nih. Sienkhawm, hripui a zuk inkieng deu lai (November 2020 – March 2021) hun sûng khan thei tawpa social distancing kengkawin naupanghai tuition class anga lekha inchûktir an nih. Tu hin sawrkar thusuok um nawk hma po sikul hi la khâr hri phawt la nîng a tih.