Our Beginning

Gospel êngin ei hnam a sunvar ruol ruolin kawng hrang hrangah hmasawnna lampui ei hung hraw tung pei a. Chuongchun, 1980 lâi bawr khan lekha inchûk le sawrkâra sinthaw iemani tawk zet India khawpui Delhi-ah ei hung tlângthla phâk tah a. Chuonghai chun Kristien thuring le inchûktirna huong sûnga um a pawimawzie le pi-le-pu hai nunphung inhmang lova inthlungkhawmna le inkeihruoina nei a hlutzie hrein September 4, 1988 khan Delhi Hmar Fellowship (DHF) tia hming inbûkin Delhiah Hmar ṭawng ngêia Pathien chawibiek inkhawm ṭan a lo nih. February 25, 2007 khan chu chuh Hmar Christian Fellowship Delhi (HCFD) tia a hming thlak a nih.

Chu chena chun tawp lovin Pathien remruot dân a hung inlang pei a. Pu Tlangvala (Watkins R. Robert) inthawka ei pi-le-pu haiin Gospel an dawng ei lo dawngsawng pei chu 1991 lai khan Delhi tlânga ringnawtuhai laia pesawng thei dingin Lalpa’n kawt a mi hawng pêk a. Vawisun chen hin chu mission field chu indar lien peiin ringthar mi 1300 lai ding vêl Lalpa’n a mi pêk tah. Chu chu Pathien mi siena san tak nia hriet a’n leiin Gospel puongdar phurrik chu nei zawm zingin rawngbawlna sunzawm pei a nih.

---

Mission & Beliefs

Thupui:

“Khawvel po poah fe unla thilsiemhai po po kuomah Chanchin Ṭha hril ro” (Marka 16:15).

Thiltum:

Delhi National Capital Region-a Hmar ṭawnga Pathien chawibiek inkhâwm buotsai a, membarhai Pathien Thutaka keihruoi le inchȗktir; Pathien ram sin innghatna dinga inbuotsai le thei ang tâwk le theina zâwnga Pathien ram rawngbawla fe suok.

Thuring:

Hmar Christian Fellowship Delhi Thu Ring (Statement of Faith) chu hi link a hin hmu theiin a um. HCFD Statement Of Faith

Kum 2024 Thupui:

“I Lalram hung tlung raw seh.” (Daniel 7:27)

Constitution:

Hmar Christian Fellowship Delhi Dânpui (Constitution) chu hi link a hin hmu theiin a um HCFD Constitution

---

---