Vêngbuk Inkhawm Inṭhuoi Dân

HCFD VÊNGBUK INKHAWM INṬHUOI DAN

Thuhma: A tul dan izirin HCFD Executive Committee-in Delhi le a sevel, National Capital Region-ah HCFD Vêngbuk Inkhawm buotsai atih.

  1. Vêngbuk Inkhawm Hming ziek dan ding: Entirna dingin, “HCFD West Delhi Vêngbuk Inkhawm” tia ziek ding.

2. Thiltum: Vêngbuk le inbûk tawka HCFD thiltum phursuok.

3. Vêngbuk Inkhawm țhuoitu chanvohai, mawphurna le ințhuoi dân ding:

  • Vêngbuk inenkawl dan chu HCFD Danpui hnuoiah inenkawlna leh a’n kal ding a ni nawh.
  • Vêngbuk țhuoitu chanvohai chu Chairman, Vice-Chairman, Secretary, Asst. Secretary le Treasurer hai bakah, a țul chun, chanvodang le Committee member belsa thei ning a tih.
  • Ṭhuoitu chun vengbuk inkhawmna ding a hun le hmun buotsai a tih.
  • Vêngbuk Inkhawmhai chun Sunday School subject/Beiruol subject le an vêngbuk memberhai thlarau tienga an hrat nawk zuolna dingin hma lang/ prokram siem an tih.
  • HCFD Executive Committee hrietpuina in a țul dungzuiin Lalpa Za’nbu buotsai thei an tih.
  • Pathien rawngbawlna le a vêngbuk inenkawlnaa hmang dingin budget le sum hnar, hieng, inkhawma thawlawm, target, etc. remruot an tih. Sienkhawm, vêngbuk chanpuola dingin Missionary Fund, Building Fund le Sawma Pakhat dawl/ lâkkhawm thei ni naw nih.
  • Vêngbuk le inmila /inbȗk tawka rawngbawlna project dangdai deu (based on the special nature of the vêngbuk concerned) nei nuom a ni chun HCFD Executive Committee remtina in nei thei ning a tih.
  • Kumtinin vêngbuk sum hmuna le hmangna enfel dingin Internal Audit nei ni hlak a ta, Audit Report vêngbuk inkhawmnaa puong le HCFD Executive Committee kuomah pêk ning a tih.
  • Vêngbuk Inkhawm țhuoitu dinghai chu HCFD Executive Committee-in a ruot Pastor/Kohran Upa/ Exe. Committee laia memberhaiin inthlangpui antih. Vêngbuk țhuoitu mawphurna sunzawm thei lo ding an um chun Executive Committee inhriettir ning a ta, chanvo sukbit dingin Executive Committee-in rem ruot pêk a tih.
  • Vêngbuk Inkhawm hi Pathien rawngbawlna dinga HCFD kut le ke poimaw tak ning a ta.HCFD-a inthawk rawngbawlna ding kawng hrang hranga bituka umhai chu thahnemngai taka sukpuitling hram ding a nih.
  • Vêngbuk inkhawmna sungahthil ditumlo tuok a lo nih a, chu vêngbukin a rêl fel thei naw chun, HCFD Executive Committee-ah intlun thei a tih

Loading